ပန်းတိုင်

ပန်းတိုင်

တိမ်တွေနွယ်ယှက်
နှလုံးသားချင်းဆက်
လင်းလက်မယ့်နေ့ရက်တွေတွက်
လျှောက်ရမယ့်လမ်းတွေဘယ်လောက်ပဲခက်လည်း
အချစ်ကိုရင်ဝယ်ပိုက်ပြီး ရွက်လွှင့်ခဲ့ ။

နိမိတ်သင်္ကေတ

နိမိတ်သင်္ကေတ

နွေရာသီမှာ
မြစ်တွေရေခဲသွားတဲ့အကြောင်း
ပင်လယ်ဆီမရောက်ခင် ရပ်တန့်သွားတဲ့အကြောင်း
ဘယ်လိုစကားလုံးတွေနဲ့
သီကုံးရမလဲ ။

ရော့ရဲ

ရော့ရဲ

ကိုယ့်ရင်ထဲကအသံ
ကိုယ်ပဲကြားနိုင်တဲ့ဘ၀မှာ
နေ့ နဲ့ ည ဆိုတာလဲ
ထူးမခြားနားပါပဲ ။

ကျနော့်ရဲ့ အပြာရောင်နှင်းဆီပင်

ကျနော့်ရဲ့ အပြာရောင်နှင်းဆီပင်

အပြာရောင်နှင်းဆီကို ခင်ဗျားတို့မြင်ဖူးကြလား ။ ကျနော်ကတော့ မြင်ဖူးယုံတင်ဘယ်ကမလဲ အပြာရောင်နှင်းဆီပင်ကို ပိုင်ဆိုင်ခဲ့ဖူးတယ်ဗျ။ ဖြစ်ကြောင်းရယ်ကုန်စင်ပြောရရင် ဒီလို။

ဟုပ် ဆိုတဲ့နိုင်ငံကိုခေတ္တရောက်တုန်း ပန်းဂေဟာ (Flower Garden) လို့နာမည်ရှိတဲ့ ပန်းတွေရောင်းတဲ့ဥယာဉ်ခြံရှေ့ ဖြတ်လျှောက်မိတယ်။ အထဲကိုလှမ်းကြည့်လိုက်တော့ ပန်းပေါင်းစုံကြားမှာ ထင်ရှားနေတဲ့ မိုးပြာရောင်သမ်းနေတဲ့နှင်းဆီပန်းတွေကို မြင်လိုက်ရတယ်။ ကျနော့်တသက်မှာ အပြာရောင်နှင်းဆီဆိုတာ တခါမှမမြင်ဖူးတော့ တအံ့တသြ စိတ်ဝင်တစားကြည့်လိုက်မိတယ်။ အဲဒီနောက် အပြာရောင်နှင်းဆီပန်းအိုးတအိုးကို ၀ယ်ဖြစ်သွားတယ်ပေါ့ဗျာ။

နောက်မှ စဉ်းစားမိတယ် ... မြန်မာပြည်ကိုအပြန်ခရီးမှာ လေယာဉ်ပေါ် ဒီပန်းအိုးကို ဘယ်လိုသယ်သွားမလဲပေါ့။ ပန်းအိုးထဲမှာ တပွင့်တည်းပွင့်နေတဲ့အပြာရောင်နှင်းဆီလေး ကြေမွသွားမှာလည်း စိုးရိမ်မိသေး။ ဒါနဲ့ မပြန်ခင်တရက်ကျတော့ ပန်းအိုးအရွယ်လောက်ရှိတဲ့ ဂျပ်ဗူးကိုရှာ၊ ပန်းအိုးကိုထည့်၊ လေ၀င်ပေါက်လေးတွေဖောက်နဲ့ တော်တော်အလုပ်ရှုပ်သွားတယ်။ ပန်းပင်က ခပ်သေးသေးလေးမို့ တော်သေးတယ်။

ပြန်မယ့်နေ့ကျတော့ အဲဒီဂျပ်ဗူးကို အသေအချာပိုက်ပြီး လေယာဉ်ခွင်းကိုဆင်းခဲ့တယ်။ လေယာဉ်ပေါ်ရောက်တော့ သဘောကောင်းတဲ့လေယာဉ်မယ်တွေကိုခွင့်တောင်းပြီး ပန်းပင်ထည့်ထားတဲ့ဂျပ်ဗူးကို ပစ္စည်းတွေကျပ်မနေတဲ့ သီးသန့်တနေရာမှာ ထားခွင့်ရခဲ့တယ်။ လေယာဉ်စီးရင်း ကိုယ့်မြန်မာပြည်ပြန်ရတော့မယ်ဆိုတဲ့ အပျော်နဲ့ စိတ်ကူးတွေယဉ်လိုက်မိသေး ... နှင်းဆီကြိုက်တတ်တဲ့ ကျနော့်ချစ်သူ ရဲ့ မွေးနေ့ကျရင် ထူးခြားတဲ့ အပြာရောင်နှင်းဆီလေးပေးလိုက်ရင် ဘယ်လောက်များဝမ်းသာလိုက်မလဲ ... နှင်းဆီဆိုတာ ကိုင်းချိုးပြီး အပင်တွေပွားလို့ရတယ်လို့ ပြောတယ်။ အဲလိုအပင်တွေပွားပြီး မြန်မာပြည်မှာ ရောင်းလိုက်ရင် စီးပွားဖြစ်ဦးမှာပဲ။ ကျနော်ချမ်းသာလာရင် မိဘတွေကို အိမ်အကြီးကြီးဝယ်ပြီး တခမ်းတနားထားလို့ရပြီ ... သူတို့စားချင်တာ သုံးချင်တာ လိုသလောက်ပေးလို့ရပြီ ... ...

ရှစ်နာရီလောက်လေယာဉ်ကိုစီးပြီး ရန်ကုန်မြို့တော်ကြီးကို ပြန်ရောက်လာတယ်။ တပတ်လောက် ကျနော်မရှိတဲ့အချိန် ရန်ကုန်မြို့မှာ ဘာမှထွေထွေထူးထူးဖြစ်ပျက်ထားပုံမပေါ်ပါဖူး။ သူ့ဘာသာလည်ပတ်မြဲ လည်ပတ်လျက်ပုံစံမျိုးနဲ့။ ပန်းပင်တပင်ကိုတယုတယထုပ်ပိုးပြီး နိုင်ငံခြားကတောင်သယ်လာတယ်ဆိုတော့ လေယာဉ်ကွင်းကစစ်ဆေးသူတွေ ကျနော့်ကိုတအံ့တသြဖြစ်လို့ပေါ့။ ဘယ်သူတွေဘယ်လိုထင်ထင် ကျနော်ကတော့ ကိုယ့်စိတ်ကူးတွေနဲ့ကိုယ် ခပ်ပြုံးပြုံးပါပဲ။ အဲဒီနေ့က ကျနော့်ချစ်သူက ကျနော့်ကိုလာမကြိုလို့တော်သေးတယ်။ နို့မဟုတ် သူက ကျနော်သယ်လာသမျှဖွင့်ကြည့်တတ်တော့ သူ့မွေးနေ့မှအံ့သြသွားစေမယ့်ဆိုတဲ့ ကျနော့်စိတ်ကူးလေး အကောင်အထည်မဖော်နိုင် ဖြစ်သွားမယ်။ ကျနော့်မိဘတွေကတော့ ခပ်အေးအေးပါပဲ .. ကျနော်အိမ်ရောက်လို့ အပင်ကို ဂျပ်ဗူးထဲကထုတ်ပြီး ခြံထဲမှာထားတော့မှ ပန်းပင်ယူလာမှန်းသိတယ်။ ပန်းပင်ကိုဒီလောက်မကြိုက်တဲ့ကျနော် ဘာလို့ခုလို တကူးတကသယ်လာပါလိမ့်လို့ နားမလည်ချင်တဲ့မျက်လုံးတွေနဲ့တော့ ကြည့်တာပေါ့။ မေးခွန်းလည်း ထုတ်ချင်ပုံပါပဲ။ ဒါပေမယ့် မမေးခဲ့ဖူး။ သူတို့နဲ့ကျနော့်ကြားက အဲလိုပဲ ... ကျနော်လုပ်တာကို သူတို့ကနားမလည်၊ ပွင့်ပွင့်လင်းလင်းမေးမြန်းပြောဆိုတာလည်း နည်း၊ ကျနော်ကလည်းဖြေရှင်းပြဖို့ ၀န်လေး။ ထားပါတော့လေ။

ကျနော့်အပြာရောင်နှင်းဆီပင်အကြောင်းဆက်ပြောရရင် ကျနော့်တသက်တခါမှပန်းပင်တပင်ကို ခုလောက်ထိ နှစ်နှစ်ကာကာကြိုးစားပန်းစားမစိုက်ဖူးဘူးဆိုရမယ်။ ဟုပ်နိုင်ငံရဲ့ရာသီဥတုက အမြဲလိုလို မှုန်မှိုင်းမှိုင်းဖြစ်နေတာဆိုတော့ မြန်မာနိုင်ငံရဲ့ရာသီဥတုနဲ့ကွာတယ်။ ဒါကြောင့် အဲဒီအပင်ကို လေကောင်းလေသန့်လည်းရအောင်၊ နေရောင်တိုက်ရိုက်မကျ အပူဒဏ်မပြင်းလွန်းတဲ့နေရာမျိုးမှာထားရတယ်။ မိုးရွာတော့မယ်ဆိုရင်လည်း ဟာလာပြင်မှာထားရင် အပင်ရေမွန်းမှာစိုးလို့ အိမ်ရှေ့စင်ဝင်အကာအောက် အပင်ကိုပြန်သယ်ထား၊ သဘာဝမိုးစက်က အပင်အတွက်ကောင်းတယ်ထင်လို့ မိုးစက်မှုန်တွေဖြန်းပက်နိုင်မယ့် အဲဒီစင်ဝင်ရဲ့အစွန်းနားလေးမှာထားရနဲ့။ သုံးလေးပတ်လောက်လည်းပြီးရော နှင်းဆီပင်ကပိုထွားလာတယ်။ ဒါနဲ့ကိုင်းသေးသေးလေးတကိုင်းကိုချိုးပြီး တခြားပန်းအိုးမှာကိုင်းပွားစိုက်လိုက်တယ်။ နောက်တော့ မူလယူလာတဲ့ပန်းအိုးရယ် နောက်ပွားထားတဲ့ပန်းအိုးရယ် နှစ်အိုးလုံးကိုဂရုတစိုက်နဲ့ ထားရတယ်။ ဒါပေမယ့် အဲလိုလုပ်နေရတာကို ကျနော့်စိတ်ထဲပင်ပန်းတယ်လို့မထင်မိဖူး။ နှင်းဆီပန်းအိုးနှစ်အိုးကိုကြည့်တိုင်း ကျနော့်စိတ်ကူးတွေအကောင်အထည်ဖော်ဖို့ တရက်ပိုပိုနီးလာပြီဆိုပြီး ပီတိတွေဗလဗွနဲ့ပေါ့။ အပြာရောင်နှင်းဆီပန်းကိုမြင်ရင် ကျနော်သိပ်ချစ်ရတဲ့ချစ်သူလေးလည်း သူ့မွေးနေ့မှာ ထူးထူးခြားခြားပျော်ရွှင်ရမယ်။ ကိုင်းတွေပွားပြီး တစပြီးတစအောင်မြင်လာရင် နှင်းဆီပန်းခြံလုပ်ပြီး စီးပွားရေးလုပ်လို့ရမယ်။ ကျနော်ချမ်းသာရင် ကျနော့်မိဘတွေကို ဒီ့ထက်ပိုကောင်းတဲ့အဆင့်မှာ ထားပြီး ကျေးဇူးဆပ်နိုင်မယ်။ အဲဒီစိတ်ကူးတွေကြား တနေ့တနေ့ မြူးပြီး အားအင်တွေအပြည့်နဲ့ပေါ့။

အဲလိုနဲ့ အဲဒီပန်းပင်နှစ်ပင်ကြားလုံးခြာလိုက်နေလာတာ နှစ်လလောက်ကြာသွားပြီး၊ တနေ့ခြံထဲမှာ ပန်းပင်တွေကို ရေလောင်းနေတုန်း ကျနော့်အမေက ကျနော့်ကိုလာပြောတယ် ...

“သား ... မင်း ဟိုတခေါက် နိုင်ငံခြားကပြန်လာပြီး ဒီအပင်နှစ်ပင်နဲ့ပဲအချိန်တော်တော်ကုန်နေပြီ။ ဒီပန်းပင်တွေက ဘယ်လောက်တောင်တန်ဖိုးကြီးလို့လဲ”

“ဒီလိုလေ မေမေရ .. ဒီနှင်းဆီပင်တွေကသာမန်နှင်းဆီမဟုတ်ဘူး။ အပြာရောင်နှင်းဆီပင်တွေ။ ရှားပါးပန်းပင်မျိုးတွေ။ ပန်းပင်မျိုးပွားတာအောင်မြင်ရင် အပြာရောင်နှင်းဆီဆိုပြီး မြန်မာနိုင်ငံမှာစရောင်းတာ သားပထမဆုံးဖြစ်မယ်လေ။ ဒါကြောင့်ခုလိုအားစိုက်ပြီးလုပ်နေတာပေါ့။”

“ငါ့သားရယ် မင်းက နှင်းဆီပင်ဘယ်လိုစိုက်ရတယ်ဆိုတာ လေ့လာထားတဲ့သူလဲမဟုတ်၊ နှင်းဆီပင်ဆိုတာလည်း တခါမှမစိုက်ဖူး၊ နောက် ဒီလိုနှင်းဆီပင်တွေဆိုတာ သူ့နိုင်ငံနဲ့သူ ရာသီဥတုအလိုက်ဖြစ်ထွန်းတာ။ သားသွားခဲ့တဲ့နိုင်ငံခြားမှာဖြစ်ပေမယ့် ဒီမှာဖြစ်ချင်မှဖြစ်မယ်။ အဲလိုဆို သားအချိန်တွေကုန်မှာပေါ့။ ခုဆို သားက ကုမ္ပဏီမှာမန်နေဂျာဖြစ်နေပြီ။ အလုပ်တွေ တာဝန်တွေများနေပြီ။ အဲဒီကြားက ဒီပန်းပင်တွေအတွက်ပဲ အားစိုက်နေရင် သားတာဝန်တွေလစ်ဟင်းကုန်မယ်။ ဒီနေရာရဖို့ သားဘယ်လောက်ကြိုးစားခဲ့ရသလဲ ကိုယ့်ဘာသာအသိပဲလေ။”

“စိတ်ချပါမေမေရ၊ အဲလိုမဖြစ်စေရပါဖူး။ သားဘာသာသား ခွဲခြားပြီးလုပ်နိုင်ပါတယ်။”

“အေး မင်းကသာ စိတ်ချပါအမြဲပြောနေတာ၊ မင်းလုပ်နေတာတွေကတော့ မဟုတ်သေးဖူးလေ။ မင်းသေချာစဉ်းစားဦး။ ဒါပဲမေမေပြောချင်တယ်။”

မေမေက အဲလိုပြောပြီး ချာခနဲလှည့်ထွက်သွားတော့ ကျနော့်စိတ်ထဲဝမ်းနည်းသွားရတယ်။ သြော် တနေ့တော့ ကျနော့်စိတ်ကူးစေတနာကို နားလည်လာမှာပါဆိုပြီး ပန်းပင်လေးတွေကိုပဲ ဆက်ရေလောင်းနေလိုက်တယ်။ ကျနော့်မျက်စိထဲတော့ နှင်းဆီပင်လေးနှစ်ပင်က တဖြည်းဖြည်းဖွံ့ဖြိုးပြီး အရွက်တွေနဲ့ ပိုပိုဝေဆာလာတာကိုကြည့်ပြီး စိတ်ကူးတွေအကောင်အထည်ပေါ်လာတော့မယ်လို့လဲ ယုံကြည်မိတယ်။ ကျနော်က နှင်းဆီပန်းပင်လေးတွေရဲ့အရည်အသွေးအပေါ်ယုံကြည်သလို ကျနော့်အပေါ်ကျတော့ မိဘတွေကဘာလို့မယုံကြည်နိုင်တာပါလိမ့်ဆိုတဲ့အတွေးကတော့ နှလုံးသားကို အောင့်ခနဲဖြစ်သွားစေတယ်။

သုံးလကြာတဲ့အခါမှာတော့ နောက်ထပ်အပြာရောင်နှင်းဆီတပွင့်ပွင့်လာပါတယ်။ ဒီတခါအပွင့်က ကျနော်ဝယ်တုန်းကထက် ပိုလှတယ်လို့ကျနော့်စိတ်ထဲထင်မိတယ်။ ပန်းစပွင့်ပြီးတပတ်ပြည့်တဲ့နေ့က ကျနော့်ချစ်သူမွေးနေ့ဆိုတော့ အံကိုက်ပဲပေါ့။ အဲဒီတပတ်လုံး ရုံးသွား ရုံးပြန်ချိန်တိုင်း ပန်းအိုးထဲက အပြာရောင်နှင်းဆီပွင့်လေးကို ကြည့်ပြီး ပန်းရရင် ပျော်သွားမယ့်ချစ်သူ့မျက်နှာလေးကို တစိမ့်စိမ့်စဉ်းစားကြည့်တာ ကျနော့်စိတ်အပျော်တွေပြည့်သွားတာပဲ။

ဒါနဲ့ချစ်သူ့မွေးနေ့လည်းကျရော ....

“happy birthday ငယ်ငယ်”

“အိုး အပြာရောင်နှင်းဆီပါလား။ ထူးဆန်းတယ်နော်။ ဒါပေမယ့် နှင်းဆီဆိုတာ အနီရောင်ရဲတွတ်နေမှ နှင်းဆီပိုပီသမယ်ထင်တယ်။”

ချစ်သူကအဲလိုပြောပြီး ကျနော်ပေးတဲ့နှင်းဆီပန်းကို စားပွဲပေါ်တင်လိုက်တယ်။ ပြီးတော့ တခြားဟာတွေဘက် ပိုအာရုံရောက်တဲ့ပုံစံနဲ့ ...

“မွေးနေ့မုန့်သွားလှီးရအောင်။ ငယ့်သူငယ်ချင်းတွေဝယ်လာပေးတာ လှမှလှ။ အကြီးကြီးပဲ။” လို့ ခပ်မြူးမြူးလေးပြောလိုက်တယ်။

ကျနော်ကတော့ စားပွဲပေါ်မှာအထီးကျန်နေတဲ့ ကျနော့်ရဲ့အပြာရောင်နှင်းဆီပန်းပွင့်လေးကို လည်ပြန်ကြည့်ရင်း စိတ်မပါ့တပါနဲ့ ချစ်သူကြိုက်တဲ့မွေးနေ့ကိတ်မုန့်ကြီးဆီ ချစ်သူနဲ့ခြေလှမ်းသွားလိုက်တယ်။

နောက်နေ့မနက်ကျ သုံးလလုံးကျနော်ကြိုးစားပမ်းစားပြုစုထားရတဲ့ အပြာရောင်နှင်းဆီနှစ်ပင်ရှေ့ထိုင်ပြီး အကြာကြီးငေးကြည့်နေမိတယ်။ ပြီးတော့ထိုင်ရာကနေ ဖြေးညှင်းစွာထပြီး ပန်းပင်တွေကိုကျောခိုင်းလိုက်တယ်။ အဲဒီနေ့ကစပြီး ဘယ်ပန်းပင်ကိုမှကျနော်မစိုက်ဖြစ်တော့ဖူး။ ကျနော့်စိတ်တွေကို အလုပ်ထဲမှာ အာရုံစိုက်ထားလိုက်မိတယ်။ ကျနော့်မိဘတွေကတော့ စီနီယာမန်နေဂျာအဖြစ် ရာထူးတက်သွားတဲ့ သူတို့သားအတွက် ဂုဏ်ယူမဆုံးပေါ့။

“တော်သေးတာပေါ့၊ ငါ့သားပန်းပင်တွေနဲ့အချိန်မကုန်တော့လို့” ဆိုပြီး မေမေပြောတော့ ကျနော်နှုတ်ဆိတ်ငြိမ်သက်နေမိတယ်။ ကျနော့်မှာ ပြောစရာစကားရှားပါးသွားသလိုပဲ။

“ဟယ် ပန်းစည်းကြီးက လှလိုက်တာ။ ပန်းတွေအရောင်မျိုးစုံပဲ”
ပန်းဆိုင်က၀ယ်လာတဲ့ ပန်းစည်းကိုကြည့်ပြီး အပျော်တွေနဲ့မြူးသွားတဲ့ချစ်သူ့မျက်နှာလေးကို ကြည့်လိုက်တယ်။

ပြီးတော့ ကျနော်စိုက်ဖူးတဲ့အပြာရောင်နှင်းဆီပင်တွေအကြောင်း ခေါင်းထဲက ရာသက်ပန်ဆွဲထုတ်လိုက်ပါတော့တယ်။

(19 April 2009)

မြင့်မိုရ်တောင်ထိပ်ကလမင်း

မြင့်မိုရ်တောင်ထိပ်ကလမင်း

အမှန်ဆိုဒီလိုညမျိုးအပြင်မထွက်သင့်ဖူး။ ဒါပေမယ့် ရေနည်းနည်းပဲကျန်တော့တဲ့ရေအိုးစင်ကိုကြည့်ပြီး တကိုယ်တည်းနေရတဲ့ကျမ ကိုယ့်အားကိုယ်ကိုးဖို့ ဆုံးဖြတ်လိုက်တယ်။ အပြင်ကိုထွက်လိုက်တော့ ပတ်ဝန်းကျင်ရဲ့အအေးဒဏ်ကြောင့် ကျမခန္ဓာကိုယ် စိမ့်ခနဲဖြစ်သွားတယ်။ ၀တ်ထားတဲ့လက်ရှည်အင်္ကျီနဲ့ မလုံလောက်တာသိတော့ အိမ်ထဲပြန်ဝင်ပြီး အနွေးထည်တထည်ကို ခပ်သွက်သွက်ကောက်စွပ်လိုက်တယ်။ ပြီးတော့ရေပုံးကိုယူပြီး ရေတွင်းရှိရာကို ခြေလှမ်းလိုက်တယ်။

တကယ်ဆို ဒီခြံကိုဆောက်ခဲ့တဲ့သူဟာ ရေတွင်းကို အိမ်နဲ့အဝေးကြီးမှာမဆောက်သင့်ဖူး။ သူတို့တွေအတွက်တော့ ခြေလှမ်းနှစ်ဆယ်လောက်လှမ်းရတာ အပန်းကြီးစရာမဖြစ်လို့ပဲ ဖြစ်မယ်။ ကျမစိတ်ထဲတော့ ခုလိုညမှာရေတွင်းကို အိမ်ဘေးကပ်ရက်မှာရှိစေချင်လိုက်တာ။ သြော် တကယ်ဆိုရင် ကိုယ့်ကိုဖေးမမယ့် ဘ၀လက်တွဲဖော်တယောက်သာအနားရှိခဲ့ရင် ဒီရေတွင်းဘယ်လောက်ဝေးဝေး ဘာမှုစရာလဲ။ ဟင့်အင်း ... မတွေးနဲ့။ သူနဲ့ပတ်သက်ရင် မတွေးနဲ့။ မတွေးချင်တာမတွေးဖို့ ပတ်ဝန်းကျင်အခြေအနေဘက်ကို စိတ်ပြောင်းလိုက်တယ်။ လူဆိုတာ မတွေးပါနဲ့ဆိုမှ စိတ်ကရောက်ရောက်သွားတယ်။ ဘယ်လိုစိတ်ကိုထိန်းရပ။ ကြံရာမရလျှောက်နေတဲ့ခြေလှမ်းတွေကို ရေတွက်ကြည့်တယ်။ တစ်လှမ်း ... နှစ်လှမ်း ... သုံးလမ်း ... လေးလမ်း ..... ..... ..... ဆယ့်နှစ်လမ်း ။ ဟုတ်ပြီ ရောက်ပြီ။

ရေတွင်းဆီရောက်မှ အဲဒီညက လပြည့်ညဆိုတာ သတိထားလိုက်မိတယ်။ လရောင်ကရေတွင်းပေါ်ကျနေတာ ကျမကြည့်ဖူးတဲ့ရုပ်ရှင်ကားတွေထဲမှာ စလိုက်မီးနဲ့တနေရာကို ကွက်ထိုးထားသလိုပဲ။ ရေပုံးကိုဘေးမှာချပြီး ရေတွင်းထဲကို ကြိုးတပ်ပုံးကိုချလိုက်တယ်။ ကြိုးတပ်ပုံးက ရေတွင်းရဲ့နံရံကိုရိုက်မိတော့ အသံထွက်လာတာ ညဘက်မှာဟိန်းသွားတာပဲ။ ကျမလန့်သွားတယ်။ ကြက်သီးတွေထလာသလို။ စိတ်ငြိမ်အောင်လမင်းကိုမော့ကြည့်လိုက်တယ်။ ဒီလိုလပြည့်ညတွေ သူနဲ့ကျမဘ၀မှာဘယ်လောက်များ ရှိခဲ့ပြီးပြီလဲ။ တစ်နှစ် ... နှစ်နှစ် ... သုံးနှစ် ... လေးနှစ်။ သူနဲ့ဆုံခဲ့တာလည်း ခုလိုလပြည့်ညတွေထဲက တညပဲ ... ။ မတွေးပါဖူးဆိုမှ အာရုံတွေမှာ ပုံရိပ်တွေစလိုးမိုးရှင်းရုပ်ရှင်ကားလို တစချင်းထွက်လာတယ်။

“မိဝေရေ ... အရက်ပျံရယ် ပတ်တီးရယ် အမြန်ယူခဲ့ဟေ့။”

ပါးစပ်ကအော်ရင်း ကိုကြီးကအိမ်ထဲကိုဝင်လာတယ်။ သူ့ထက်အရပ်အတော်လေးပုတဲ့လူတယောက်ကိုတွဲလာတယ်။ ကျမလည်း ကိုကြီးပြောတဲ့ဟာတွေ အမြန်ပြေးယူပြီး သူတို့နားရောက်တော့ ...

“ဟင် ... သွေးတွေ သွေးတွေ...”

သွေးမြင်ရင်မူးချင်တဲ့ကျမ ခေါင်းထဲမိုက်ခနဲဖြစ်သွားတယ်။

“ကဲ .. ကဲ .. ငါ့ကိုမြန်မြန်ပေး။”

ကိုကြီးက ကျမယူလာတာတွေအမြန်လှမ်းယူပြီး အဲဒီလူရဲ့သွေးတွေရဲနေတဲ့လက်ဖ၀ါးပေါ်ကို လောင်းချလိုက်တယ်။ ကျမမျက်နှာချက်ချင်းလွှဲလိုက်တယ်။ ဒါပေမယ့် မကြာခင်ပြန်ကြည့်တော့ ...

“အေးကွာ မင်းဒဏ်ရာကနည်းနည်းနက်တော့ စပ်တော့စပ်မယ်။ အရမ်းမကြီးလို့တော်သေးတာပေါ့ကွာ။”

လက်ကလည်း ဆေးထည့် ပတ်တီးစီးနဲ့ တရစပ်လုပ်ရင်း ကိုကြီးက စကားတွေပြောနေပေမယ့် တခြားတယောက်ဆီက ဘာသံမှထွက်မလာဖူး။ သူ့မျက်လုံးတွေက ဒေါသရောင်ထွက်နေသလိုပဲ။ အသားဖြူတဲ့သူ့မျက်နှာမှာ သွေးရောင်လွှမ်းနေတယ်။

“စိတ်လျှော့လိုက်ပါ သူငယ်ချင်းရာ” ... သူ့ပုခုံးကိုပုတ်ပြီး ကိုကြီးကပြောတယ်။ အဲဒီလူကတော့ ကျောက်ရုပ်ပုံစံက မပြောင်းလဲသေး။ အဲဒီညက သူ ကျမတို့အိမ်မှာပဲ အိပ်ဖြစ်တယ်။ အပြင်က ကွပ်ပစ်မှာ လကိုငေးပြီးသူလှဲနေတာ ကျမမအိပ်ခင် တွေ့လိုက်တယ်။

“ဝေ့ကိုချစ်မိနေပြီ၊ ကို လက်ထပ်ပါရစေ။” လို့သူစာရေးလာလိမ့်မယ်လို့ ကျမမထင်ခဲ့မိဖူး။ သူနဲ့ကျမက အသက် ခုနှစ်နှစ်ကွာတယ်။ ကိုကြီးသူငယ်ချင်းတယောက်အနေနဲ့ မေးထူးခေါ်ပြောပဲ လုပ်ဖူးတာ။ သူနိုင်ငံခြားကို ပညာတော်သင်ထွက်သွားတော့လည်း ကျမတို့ကြား ထွေထူးတဲ့နှုတ်ဆက်ခြင်းဆိုတာမရှိခဲ့ပါဖူး။ ဒီတော့ သူ့စာကိုကိုင်ရင်း ကျမဘာကိုဆုံးဖြတ်ရမလဲ။ ကျောင်းက လုပ်ဖော်ကိုင်ဖက်ဆရာညိုမင်းရဲ့ ခပ်ချောချောမျက်နှာ မျက်စိထဲပေါ်လာတယ်။ “ဒါ ဆရာမပန်ဖို့ပန်း” တဲ့။

“ဝေေ၀ရာ ... သူတို့စိတ်တိုင်းကြိုက်လုပ်လိုက်တော့ မင်းဘာဖြစ်သွားမှာလဲ။ သူတို့က ငါ့ကိုငယ်ငယ်လေးတည်းက ခုလိုဖြစ်အောင်စောင့်ရှောက်ကျွေးမွေးထားတဲ့ကျေးဇူးတွေရှိတယ်လေ။ မင်းဘက်ကသည်းခံလိုက်ပေါ့ကွာ။”

“ဝေေ၀ရာ ... ငါ့မှာတနေ့တနေ့ဆေးခန်းကိစ္စနဲ့ အလုပ်ကရှုပ်။ ညကြီးမင်းကြီးမှ မောမောနဲ့ပြန်ရောက်တုန်း ထမင်းဟင်းကို စိတ်ဖြောင့်ဖြောင့်စားပါရစေဦး။ သူတို့ကို သည်းခံပါလို့ ငါအတန်တန်ပြောထားတာပဲ။”

“ဟာကွာ ... ကဲ စိတ်ညစ်ဦး စိတ်ညစ်ဦး” “ငါ့ပိုက်ဆံနဲ့ငါဝယ်ထားတာတွေ ငါ့ဘာသာခွဲတာ ဘာဖြစ်လဲ။ ဘယ်ပတ်ဝန်းကျင်မှလည်း ဂရုမစိုက်ဘူး။ မင်း ငါ့စိတ်ကိုသိတယ်မို့လား”

“သမီးရေ .. သမီးဒေါ်လေး ဝေေ၀့ကိုကြည့်စမ်း ဘယ်လောက်အိမ်ထောင်ကံကောင်းလဲ။ ခုဆို အစစအရာရာ မကြောင့်မကျနေရတာ။ သူ့ယောက်ျားကိုလည်း သည်းခံသင့်တာသည်းခံပြီး အိမ်ထောင်ရေးသာယာနေတာ။ သမီးလည်း အိမ်ထောင်ပြုရင် အဲလိုအတုယူရမယ်။ ကိုယ့်ယောက်ျားဆိုတာ ကိုယ်ကဘယ်လိုကိုင်တွယ်ရမယ်ဆိုတာ နားလည်မှ နှစ်ဦးနှစ်ဘက်ပြေလည်မှာ”

.....

.....

ကျမဆုံးဖြတ်ချက်ကမှန်ခဲ့တယ်လို့ ခုချိန်ထိကျမယုံကြည်တယ်။ မိန်းကလေးတယောက်အတွက် ရေမြင့်မှကြာတင့်မယ် ဆိုတဲ့ဆိုရိုးစကားအတိုင်း ကျမဘ၀လည်းဖြစ်ခဲ့ပါတယ်။ ဒါပေမယ့် ရေထဲမှာရှိတဲ့ အမှိုက်သရိုက်တွေကလည်း ကြာပန်းကိုရိုက်ခတ်နိုင်တဲ့အကြောင်းက အဲဒီဆိုရိုးမှာဆက်မပြောထားဖူး။

ကြိုးတပ်ဗုံးကိုရေတွင်းထဲဆွဲလိုက်ရင်း ကျမစိတ်တွေကိုလည်း ပစ္စုပ္ပန်ဆီ ပြန်ဆွဲယူလိုက်တယ်။ မနက်ဖြန်ဆို သူနဲ့တွေ့ရတော့မယ်။ တပတ်မှာ စနေ တနင်္ဂနွေ နှစ်ရက်တည်းတွေ့ရဖို့ကို တကယ်ဆိုစိတ်ထဲမှာအမြဲ မျှော်လင့်နေသင့်တယ်။ ခုတော့ ကျမစိတ်တွေဘာလို့လေးနေလဲ။

“ကျုပ်ကတော့ စိတ်ညစ်ရင် ရွာပြန်မှာပဲနော်။ သမီးလေးကို ငယ်ငယ်လေးတည်းက ထိန်းလာလို့ သံယောဇဉ်ဖြစ်နေလို့သာ နေရတာ။”

“မင်းကလည်းကွာ သူနဲ့အလိုက်အထိုက်နေလိုက်ပေါ့။ နို့မဟုတ် သမီးကို ဘယ်သူစောင့်ရှောက်မလဲ။ သမီးက သူ့ကိုအသားကျနေပြီ။ နောက်ကလေးထိန်းအသစ်ရှာရရင် ကလေးနေသားမကျရင် ကလေးဒုက္ခရောက်မယ်။”

သမီး ... အင်း ကျမသမီးလေး ... သမီးလေးကိုတွေ့ချင်တယ်။

“မင်းလစာက နှစ်ပဲတပြားနဲ့၊ ထွက်လိုက်ပါလို့အတန်တန်ပြောနေတာလည်း မရဘူး။”

“ဆရာမလေးရှိလို့ ကျနော်တို့ကျောင်းလည်းအဆင်ပြေနေတာဗျာ။ ကျေးဇူးပါပဲ။”

နားနှစ်ဘက်ကိုပိတ်လိုက်တယ်။ မျက်စိတွေက ရေတွင်းထဲကငြိမ်သက်နေတဲ့ရေပြင်ဆီ အကြည့်ရောက်သွားတယ်။ ကြည့်စမ်း ... လမင်းက ရေတွင်းထဲရောက်နေတယ်။ အမေက ကျမငယ်ငယ်တုန်းက ညညငိုတိုင်း ဆိုပြလေ့ရှိတယ် ... လမင်းကိုထွေးပိုက် ခေါင်းအုံးအိပ်တော့ သမီးရယ် အငိုတိတ်ပါကွယ် တဲ့။ ကျမငိုရတာပင်ပန်းလှပြီ။ လမင်းကိုရင်ခွင်ထဲထားပြီး အိပ်လိုက်ချင်တယ်။ လမင်းကိုထိခွင့်ရရင် လမင်းရဲ့နူးညံ့ခြင်းအောက် ကျမရဲ့အပူတွေအေးငြိမ်းသွားမယ်။ လမင်းဆီ ကျမသွားရမယ် ... ။ ရေတွင်းရဲ့ဘောင်ပေါ်ကို ကျမတက်လိုက်တယ်။ လမင်းကို လက်နဲ့လှမ်းဖမ်းကြည့်တယ်။ လမင်းက ကျမဖမ်းတာ မခံ။ လွတ်ထွက်သွားတယ်။ ဒီ့ထက်နီးအောင်သွားမှပဲ ....

“ဒိန်း”

ကျမပတ်ဝန်းကျင်မှာ လက်ခနဲဖြစ်သွားတယ်။ လမင်းနောက်ကို ပြေးလိုက်နေတဲ့ ကျမစိတ်က လန့်နိုးသွားသလိုပဲ။ ငယ်ငယ်တုန်းက လမင်းရဲ့အထွေးအပွေ့ဆိုတာ အမေ့ရင်ခွင်ထဲမျက်နှာတိုးအိပ်ခဲ့ရတဲ့ညတွေပါလားဆိုတာ သွားသတိရလိုက်တယ်။

ရေတွင်းဘောင်ပေါ်က ဖြေးဖြေးချင်းဆင်းလိုက်တယ်။ ကျမသိလိုက်တယ် ... လမင်းဆိုတာဖမ်းလို့ဘယ်ရမလဲ၊ မိုးပေါ်မှာပဲရှိနေတာကိုး။ ဒီတော့ ကျမအမေလိုပဲ ကျမရင်ခွင်ဟာလည်း သမီးလေးအတွက် အငိုတိတ်ဖို့လိုအပ်သေးတယ်။

(16 April 2009)

မူပိုင်ပန်းချီကား

မူပိုင်ပန်းချီကား

သူသည် ပန်းချီကားများကိုအလွန်နှစ်သက်သူဖြစ်သည်။ ပန်းချီကားတချပ်ကိုကြည့်လျှင် ထိုပန်းချီကား၏ထူးခြားချက်ကို အစဉ်ရှာဖွေတတ်သူဖြစ်သည်။ ပန်းချီပြခန်းများကိုရောက်တိုင်း “ဒီပန်းချီကားကတော့ ဆွဲထားတာ ဘယ်လိုသေသပ်တာ၊ ဒီပန်းချီကားကတော့ မြင်လိုက်ရင် တခြားဟာတွေနဲ့မတူ ဘယ်လိုထူးခြားနေတာ၊ ဒီပန်းချီကားကတော့ လက်ရာကသိသိသာသာ ဘယ်လိုကောင်းနေတာ” စသည်ဖြင့် ကျမကိုပြောပြလေ့ရှိသည်။ သူနှင့်မတွေ့ခင်က သာယာမက်မောဖွယ်ကောင်းသောရှုခင်းများကိုရေးဆွဲထားသည့် ပန်းချီကားများကိုသာ သတိထားမိတတ်သောကျမသည် သူနှင့်အတူ ပန်းချီပြခန်းများကို တခုပြီးတခုရောက်ပြီးသောအခါ သူပြောပြသော သူကြည့်လေ့ရှိသောထူးခြားချက်များကို ခံစားတတ်လာခြင်းမှာ သူ၏ နည်းပေးလမ်းပြကောင်းမွန်ခြင်းကြောင့်ဖြစ်နိုင်သလို၊ ကျမကပဲ တတ်လွယ် မြင်လွယ် သိလွယ်သူဖြစ်နေသောကြောင့်လည်းဖြစ်နိုင်သည်။

လွန်ခဲ့သောနှစ်ပေါင်းများစွာမှပန်းချီဆရာတယောက်ရေးဆွဲထားသော ကလေးမလေးတယောက်၏ ပုံတူပန်းချီကားကိုကြည့်ပြီး “ကြည့်ပါဦး။ မျက်လုံးတွေကသိပ်အသက်ဝင်တာပဲ။ ပန်းချီကားနဲ့တောင်မတူဘူး။” ဟု သဘောကျနှစ်ခြိုက်စွာ သူပြောခဲ့တုန်းက သူ့နှင့်အတူထိုပန်းချီကားကိုလိုက်ကြည့်ရင်း သူ့မျက်လုံးတွေအကြောင်း ကျမတွေးခဲ့ဖူးသည်။

တကယ်တော့ သူ့ကိုတွေ့ခါစက သူ့မျက်လုံးများထက် ဂျင်းဘောင်းဘီဝတ်ပြီး ကတီပါဖိနပ်စီးထားသော သူ့ခြေဖမိုးဖြူဖြူများကိုသာ ကျမကသတိထားမိခဲ့သည်။ ယောက်ျားလေးဖြစ်သော်လည်း သွယ်လျပျော့ပျောင်းဖွယ်ရသော သူ့လက်ချောင်းများနှင့်ခြေချောင်းများကို ကျမကတအံ့တသြ လူအလစ်မှာကြည့်မိခဲ့သည်။ သူနှင့်ဘေးချင်းကပ်ထိုင်ဖြစ်ခဲ့သောညစာစားပွဲတခုတွင်မှ သူ့မျက်လုံးများကို လျပ်တပြက်ဖတ်ခွင့်ရလိုက်သည်။

ထိုညစာစားပွဲတွင်ဟိုတစဒီတစ တယောက်တခွန်း ပြောနေကြသောအကြောင်းအရာများ ပြည့်လျှံနေခဲ့သည်။ ထိုစဉ် ပန်းကုံးလေးများကိုင်ပြီး စားပွဲနားရောက်လာသော ပန်းသည်ကလေးလေးတယောက်ကို အားလုံး သတိမထားမိပေ။ ကျမကထိုကလေးကိုသတိထားလိုက်မိချိန် သူက အဲဒီကလေးကိုသူ့အနားခေါ်အပြီးဖြစ်နေသည်။ ထိုကလေးနဲ့စကားပြောပြီး ပန်းဝယ်နေသော သူ၏ နူးညံ့ခြင်းများပြည့်နေသောမျက်လုံးများကို မြင်လိုက်ရသည့်တခဏ ကျမရင်ဘတ်တခုလုံးဖြတ်ခနဲတုန်ခါပြီး နွေးထွေးသွားသည်။ ယောက်ျားတယောက်၏မျက်လုံးများသည် ဤမျှထိနူးညံ့နိုင်ကြောင်း ဘယ်တုန်းကမှ ကျမမတွေးမိခဲ့ချေ။ ထိုညစာစားပွဲတွင်တဒင်္ဂတွေ့လိုက်ရသော သူ့မျက်လုံးများကို ပန်းချီဆရာမဟုတ်သောကျမက နှလုံးသားထဲတွင် မှတ်တမ်းတင်ဓါတ်ပုံအဖြစ် ရိုက်ဖြစ်ခဲ့သည်။

တခါကတော့ သူနှင့်ကျမသွားဖြစ်သော ပန်းချီပြခန်းတခုတွင်ပြသထားသည့် ခေါင်းအခွံသာပါရှိပြီး ပုံပျက်ပန်းပျက်အော်ဟစ်နေသောမျက်နှာများနှင့်ပန်းချီကားကို သူကအလွန်နှစ်သက်ခဲ့သည်။ ထိုပန်းချီဆရာ၏ ထူးခြားသောလက်ရာနှင့်အတွေးကို သူကချီးမွမ်းပြောဆိုနေခိုက် ကျမကတော့ သူသာကျမအနားမရှိသောတနေ့ရောက်ခဲ့မည်ဆိုလျှင် ထိုသို့အော်ဟစ်နေသူများထဲ ကျမပါဝင်သွားလေမလားဟု ဖြတ်ခနဲတွေးမိလိုက်သည်။ ထိုအတွေးမျိုးကိုသူ့ကိုပြောပြတိုင်း “ကိုအနားမရှိလည်း မင်းနေနိုင်သွားမှာပါ။ မင်းက တကယ်တော့ ကိုယ့်ကိုယ်ကိုယ်ထင်တာထက် စိတ်ဓါတ်မာပါတယ်” ဟုသူက ပြန်ပြောလေ့ရှိသည်။ သူမရှိခဲ့လျှင် ကျမဘ၀သည်အဓိပ္ပါယ်မဲ့သွားနိုင်သည်ဆိုခြင်းကို သူက ဘယ်တုန်းကမှ လက်မခံခဲ့ချေ။

သူနှင့်ကျမနှစ်ယောက်လုံးကြိုက်နှစ်သက်ပြီး မ၀ယ်ဖြစ်သောပန်းချီကားတချပ်ရှိခဲ့ဖူးသည်။ ထိုပန်းချီကားထဲတွင် ဟောင်းနွမ်းသွားသောအိမ်များစီတန်းနေသည့် လမ်းအိုပေါ်တွင် ဘီးတပ်လှည်းတစီးရှိသည်။ လှည်းအနီးတွင်ရှိသော သစ်ပင်အိုမှ သစ်ရွက်ခြောက်များ ပန်းချီကားတချပ်လုံးရှိနေရာအနှံ့တွင် ကြွေကျနေသည်။ အဖြူအမည်းအရောင်များကို အလေးပေးဆွဲထားသော ထိုပန်းချီကားတွင် သစ်ရွက်ခြောက်တချို့ကို ဆည်းဆာရောင်သန်းထားသည်မှာ အမြင်တမျိုးထူးစေသည်။ ဟောင်းနွမ်းခြင်းများပြည့်လျှံနေသောထိုပန်းချီကားတွင် ဆည်းဆာရောင်သန်းနေသည့်သစ်ရွက်ခြောက်တချို့သည် မျှော်လင့်ချက်ရောင်ခြည်ကို ကိုယ်စားပြုသည်ဟု ကျမခံစားလိုက်ရသည်။ ထိုပန်းချီကားကိုကြည့်ပြီး သူနှင့်ကျမတို့၏ ကိုယ်ခန္ဓာများ အိုမင်းရင့်ရောသွားသောအခါ ကျမတို့ကြားမှအချစ်သည် ထိုပန်းချီကားထဲမှ သစ်ရွက်ခြောက်တချို့ကဲ့သို့ ထာဝစဉ်ရောင်ခြည်သန်းနေမည်ဟု ကျမကယုံကြည်ချင်မိသည်။ ထိုယုံကြည်ချက်ကိုအမြဲခံစားနိုင်ရန် ထိုပန်းချီကားကိုကျမက ၀ယ်ချင်မိခဲ့သည်။ သို့သော် “တခြားဒီ့ထက်ကောင်းတာတွေ ရှိချင်ရှိဦးမှာပါ” ဟုသိပ်လက်တွေ့ကျကျစဉ်းစားလေ့ရှိသော သူကပြောတော့ သူကြိုက်နှစ်သက်တာမျိုးဖြစ်စေချင်သောကျမ လက်လျှော့ခဲ့မိသည်။

သူနှင့်ကျမ ပထမဆုံးအတူဝယ်ဖြစ်သောပန်းချီကားကို ကျမကဦးစွာတွေ့ရှိခဲ့သည်။ လူခေါင်းဟုတ်သလိုလို မဟုတ်သလိုဖြစ်နေသော ခေါင်းနှင့် မိန်းမတယောက်၏ကိုယ်လုံးတို့ကို ထူးခြားပြီးသိပ်မရှုပ်ထွေးသောဆွဲချက်များနှင့် ပေါင်းစပ်ပုံဖော်ထားသည်ကို အကြိုက်တွေ့သွားခြင်းဖြစ်သည်။ ကင်းဗတ်စ်ပေါ်တွင်ဆွဲထားပြီး နှစ်ပိုင်းဆက်ပြီးကြည့်ရသောထိုပန်းချီကားကို မြင်မြင်ချင်းကျမကကြိုက်နှစ်သက်သွားပြီး သူ့ကိုခေါ်ပြတော့ အကြိုက်ချင်းတူသွားကြသည်။ သူကတော့ ထိုပန်းချီကားကို ကျမထက်စုံစေ့အောင်လေ့လာပြီးမှ ကြိုက်နှစ်သက်ခြင်းဖြစ်သည်။ ဘာပဲပြောပြော သူလည်းကြိုက်နှစ်သက်ခဲ့သောကြောင့် ထိုပန်းချီကားကို ကျမတို့ဝယ်ဖြစ်သွားသည်။ ထိုပန်းချီကားသည် ကျမတို့နှစ်ဦးအတူ ပထမဆုံးဝယ်ဖြစ်ခဲ့သောပန်းချီကားဖြစ်သောကြောင့် နောက်နောင် အဘယ်မျှဈေးပိုကြီးသော ပန်းချီကားမျိုးကိုဝယ်ဖြစ်သော်လည်း ထိုပန်းချီကားကိုသာ တန်ဖိုးအရှိဆုံးပန်းချီကားအဖြစ် ကျမစိတ်ထဲသတ်မှတ်မိသည်။

ပန်းချီဆရာများရေးဆွဲထားသော ပန်းချီကားများကို သူနှင့်လိုက်ကြည့်ပြီး နှစ်သက်တတ်လာသော ပန်းချီဆရာမဟုတ်သည့်ကျမနှလုံးသားထဲတွင်လည်း သူ့တွက်ရင်ခုန်သံများနှင့်ရေးခြစ်ထားသော မူပိုင်ပန်းချီကားတချပ်ရှိသည်။ ထိုပန်းချီကားတွင် သူနှင့်ဆုံတွေ့ခဲ့သောအချိန်များ၊ ပျော်ရွှင်ခဲ့သောအချိန်များ၊ သူ့ကြောင့်ခံစားရသောအချိန်များ၊ ကျမဘ၀အတွက် သူနှင့်ပတ်သက်သောပထဆုံးများကိုသာ ထည့်သွင်းရေးဆွဲမည်။ ထိုပန်းချီကား၏ တချို့အစိတ်အပိုင်းတို့သည် ဆေးရောင်များနှင့်မြူးတူးတောက်ပနေနိုင်သလို၊ တချို့နေရာများတွင် မှုန်ရီဝေမှိုင်း ၀ိုးတ၀ါးဖြစ်နေပေလိမ့်မည်။ တချို့အပိုင်းတို့သည်ကား နံနက်ခင်း၏လန်းဆန်းမှုများနှင့် ပြည့်နက်နေပေလိမ့်မည်။ သေချာသည်ကတော့ ထိုပန်းချီကားတွင် သူနှင့်ကျမအကြောင်းမှလွဲ၍ တခြားအရာမပါရှိသလို၊ ကျမဘ၀တွင် ကျမရေးဆွဲသော တခုတည်းသောပန်းချီကားသာဖြစ်မည်။ ထိုပန်းချီကားကိုနားလည်နိုင်သူသည်လည်း သူတဦးတည်းသာဖြစ်ပေတော့မည်။

(13 April 2009)